नेपाल सरकार
गृह मन्त्रालय
जिल्ला प्रशासन कार्यालय,
पाँचथर


  पाँचथर जिल्लाको संक्षिप्त परिचय

  • जिल्ला प्रशासन कार्यालय, पाँचथरमा आफ्नो काम कारवाहीसँग सम्बन्धित कुनै गुनासो, पीरमर्का, अनियमितता, ढिलासुस्ती जस्ता विषयमा सम्बन्धित सेवाग्राहीहरुले सीधै आफ्नो मौखिक गुनासो, उजुरी, शिकायत र सुझाव दिन टोल फ्रि नम्बर १६६०२४५२१११ र ईमेल ठेगाना dpanchthar@gmail.com मा सम्पर्क गर्नुहोस् । ।

पाँचथर जिल्लाको संक्षिप्त परिचय

पाँचथर नेपालको पूर्वाञ्चल विकास क्षेत्र अन्तरगत मेची अञ्चलको मध्य पहाडी जिल्ला हो । यो जिल्लाको क्षेत्रफल १२४१ वर्ग कि. मि. मा फैलिएको छ । विकट तर मनोरम धरातलीय बनोट, उच्च भू–भाग र यहाँ पाइने बहुमूल्य जडीबुटीहरू जस्तैः पोट्लिङ्गो, गुराँस, धुपी, चिराइतो जस्ता वनस्पति आदिले यस जिल्लाको पर्यटकीय आकर्षण पनि उत्तिकै बढि रहेको छ । यो जिल्ला पल्लो किरातको नामले पनि प्रसिद्ध छ । यस जिल्लाको नामाकरण कसरी भयो भन्ने कुनै स्पष्ट कुनै आधार नदेखिएता पनि शोधकर्ताहरूका आधारमा पाँचथर “पान्थरथुम” शब्दबाट नामाकरण भएको भन्ने भनाई रहेको छ । पान्थरथुम शब्द पान्थरू र थुम मिलेर बनेको शब्द हो । पान्थरूको अर्थ कुरामा सहमति मिलेको (Agreed), र थुमको अर्थ ईलाका वा किल्ला (District) हो ।  किराँत इतिहासका पुराना साहित्यहरूमा इस्वी सम्वत ५५० ताकाको ऐतिहासिक वर्णनमा नै “पान्थर” शब्द प्रयोग भएको पाइन्छ । प्रशासनिक तथा राजनैतिक विभाजन अनुरूप पाँचथरलाई ७ गाँउपालिका १ नगरपालिकामा विभाजन गरिएको छ ।  २०६८ को जनगणनाअनुसार यस जिल्लाको कुल जनसंख्या १९१,८१७ छ । यस जिल्लामा लिम्वू, राई, मगर, गुरुङ, सुनुवार माझी, भुजेल र तामाङ, जस्ता जाती जनजातिको बसोबास तथा छुट्टाछुट्टै भाषा र संस्कृति छ । यो जिल्ला विभिन्न किसिमका धर्म र संस्कृति मान्ने जात जाती र भाषा भाषीको संगम स्थल पनि हो । पाँचथर जिल्लामा ऐतिहासिक, धार्मिक, सांस्कृतिक र जैविक विविधता सम्पन्न पर्यटकीय स्थलहरू पनि छन् ।

भौगोलिक अवस्थिति

नेपालको मानचित्रमा पाँचथर जिल्लाको फैलावट २६.२८ देखी २६.५९ उत्तरी अक्षांश र ८०.०२  देखी ८७. ३० पूर्वी देशान्तरमा अवस्थित छ । यस जिल्लाको पूर्वमा भारतको सिक्किम र दार्जिलिङ्ग, पश्चिममा तेह्रथुम र धनकुटा उत्तरमा ताप्लेजुङ तथा दक्षिणमा इलाम र मोरङ जिल्लासँग सिमाना जोडिएको छ । यस जिल्लाको कूल क्षेत्रफल १,२५,२८९ हे. (१२४१ व.कि.मि.) मध्ये भू–उपयोगको दृष्टिकोणमा कृषियोग्य क्षेत्रफल ६५,५४७ हे., वनजंगलले ढाकेको भू–भाग ५७,७०७ हे., सामुदायिक वनले ढाकेको क्षेत्रफल १३,२४३ हे., कवुलियती वनले ढाकेको क्षेत्रफल ५६४ हे., बुट्यान क्षेत्र ७,८८७ हे., चरन क्षेत्र ५,२९२ हे., सिंचित क्षेत्रफल ८,६७१ हे., बाह्रै महीना सिंचित हुने ७५० हे., आंशिक सिंचाई हुने ७,९२१ हे. रहेको छ ।

हावापानी तथा जलवायु

अधिकतम तापक्रम २६.१ डिग्री सेल्सियस र न्युनतम १२.३ डिग्री सेल्सियस मापन गरिएको पाईने यस जिल्लामा बार्षिक कुल औसत बर्षा २०७१ मि.मि. सम्मको मापन रहेको छ ।

ठूला नदीहरु
पाँचथर र तेह्रथुम सिमाना भइ वग्ने सप्तकोशीको सहयाक तमोर नदी साथै पाँचथर र ताप्लेजुङ्गको सिमाना भइ वग्ने कावेली नदी गरी २ ठुला नदीहरु रहेका छन् ।
वन सम्पदा

पाँचथर जिल्ला वन सम्पदाको दृष्टिकोणले पनि धेरै धनी मानिन्छ । यस जिल्लाम निजी, सामुदायिक, सरकारी र कबुलियत वनहरु रहेका छन् । यस जिल्लामा हाल सम्म २९ कबुलियत वन रहेको छ जसले ६५८ घरधुरीलाई प्रत्यक्ष फाईदा पुर्याएको छ भने २६९ सामुदायिक वनहरु रहेको छ, जसले १३,९०५ लाई प्रत्यक्ष लाभान्वित पुर्याएको छ । यस जिल्लाको हावापानी र भौगोलिक विविधताका कारण पनि यहाँको वन र वनसम्पदामा विविधता पाइन्छ । यस जिल्लाको तल्लो भागमा भागमा तातो हावापानी भएको कारण साल सिसौ आदि जस्ता कडा काठका रुखहरु पाईन्छ भने माथिल्लो भागमा चिसो हावापानीमा पाईने रुख बिरुवाहरु पाईन्छ ।

  • सूचनाको हकसम्बन्धी ऐन, २०६४ को दफा ५ को उपदफा (३) २०७५-४-३१

    सूचनाको हकसम्बन्धी ऐन, २०६४ को दफा ५ को उपदफा (३) र नियमावली, २०६५ को नियम ३ बमोजिम यस कार्यालयबाट स्वत प्रकाशन गरिएको सार्वजनिक विवरण 

  • २०७५ साल आषाढ २७ सम्मको राहदानी(M.R.P) बनी आएको । २०७५-४-२२

    २०७५ साल आषाढ २७ सम्मको राहदानी(M.R.P) बनी आएको ।

  • जिल्लास्थित कार्यालयका सूचना अधिकारीज्यूहरुको बैठक २०७५-४-४

    मिति २०७५ साल श्रावण ४ गतेका दिन प्रमुख जिल्ला अधिकारी श्री प्रकाशचन्द्र अधिकारीज्यूको अध्यक्षतामा बसेको पाँचथर जिल्लास्थित कार्यालयका सूचना अधिकारीहरुको बैठकमा विविध विषयहरुमा छलफल भई देहायबमोजिम निर्णय गरियो ।  देहायः-  १. जिल्ला हुलाक कार्यालय, पाँचथरबाट प्राप्त पाँचथर जिल्लाका सार्वजनिक निकायहरुको सूचनाको हक कार्यान्वयन सम्बन्धी अनुगमन प्रतिवेदनको सम्बन्धमा छलफल भयो । २. सबै सार्वजनिक निकायहरुले सूचनाको हकसम्बन्धी एेनको दफा ५ (३)  र नियमावलीको नियम ३ बमोजिम स्वतः  प्रकाशन गर्नुपर्ने सूचना प्रकाशन  गरी सोको एक प्रति जिल्ला प्रशासन कार्यालयमा समेत उपलब्ध गराउने । ३. सेवा प्रवाहमा सूचना प्रविधिको प्रयोगलाई बढाउने, कार्यालयको web site नभएका कार्यालयहरुले आफ्नो web site निर्माण गरी नियमित रुपमा update गर्ने,…

  • २०७५ साल आषाढ १४ सम्मको राहदानी(M.R.P) बनी आएको । २०७५-३-३२

    मिति २०७५ साल आषाढ १४ गतेसम्म यस कार्यालयमा राहदानी(M.R.P) फाराम पेश गर्नेहरुको राहदानी बितरण भईरहेको जानकारी गरिन्छ ।

  • जिल्ला विपद् व्यवस्थापन समितिको बैठकको निर्णय २०७५-३-२५

    आज मिति २०७५ साल आषाढ २५ गते जिल्ला प्रमुख जिल्ला अधिकारी एवं जिल्ला विपद् व्यवस्थापन समितिका अध्यक्ष श्री प्रकाशचन्द्र अधिकारीको अध्यक्षतामा देहायको उपस्थितिमा बसेको जिल्ला विपद् व्यवस्थापन समितिको बैठकमा विविध विषयहरुमा छलफल भई निम्नबमोजिमको निर्णय गरियो ।  निर्णयहरुः- १. यस अघिको जिल्ला दैवी प्रकोप उद्धार समितिको विभिन्न बैठकले गरेका निर्णयहरुको कार्यान्वयनको अवस्था र सोको प्रगति समीक्षा गरियो । २. सम्भावित विपद्लाई मध्येनजर गरी जिल्लाभित्र  आउन  सक्ने  विपद् रोकथाम, पूर्वतयारी, विपद्को समयमा उद्धार तथा राहतलाई व्यवस्थित बनाउन निम्न कार्यहरुलाई प्राथमिकता साथ कार्यान्वयनमा ल्याउने निर्णय गरियो । जिल्लाका सबै स्वास्थ्य चौकीहरुमा औषधी र उपकरण तथा स्वास्थ्यकर्मीहरुको उपस्थिति नियमित बनाउने । साथै सबै…

  • द्वन्द्व प्रभावित व्यक्ति तथा परिवारलाई राहत रकम २०७५-३-२०

    जिल्ला प्रशासन कार्यालय, पाँचथरको सूचना । द्वन्द्व प्रभावित व्यक्ति तथा परिवारलाई राहत रकम वितरण गर्ने प्रयोजनको लागि द्वन्द्वको क्रममा विस्थापित/मृतक/वेपता भई नेपाल सरकार (म.प.) को मिति २०७३।११।२५ को निर्णय अनुसार नेपाल सरकारबाट विभिन्न मितिमा गठित द्वन्द्व पीडितहरुको लगत सकंलन कार्यदलहरुको प्रतिवेदनमा नाम समावेश भएका र आ.व. ०७३।०७४ मा राहत रकम वुझिलिन छुट भएका विस्थापित व्यक्ति तथा परिवार मृतक तथा वेपता व्यक्तिका हकवालाले तपसिलमा उल्लेखित कागजात सहित यही मिति २०७५।०३।२४ गते भित्र जिल्ला प्रशासन कार्यालय, पाँचथरमा निवेदन दिन हुन पुन: यो सूचना प्रकाशन गरिएको छ । तपसिल विस्थापित व्यक्ति र निजको परिवारका विस्थापित सदस्यहरु सँग को हाल सालैको नाता कायम प्रमाणपत्र…

  • दर्ता भएका संघ/संस्थाहरुले नवीकरण गर्न २०७५-३-३

    जिल्ला प्रशासन कार्यालय, पाँचथरको अत्यन्त जरुरी सूचना । संस्था दर्ता ऐन २०३४ बमोजिम यस कार्यालयमा दर्ता भएका संघ/संस्थाहरुले नवीकरण गर्न एवम् नयाँ संस्था दर्ता गर्न निम्न बमोजिम व्यवस्था पालना गर्न माननीय गृहमन्त्रीज्यूको अध्यक्षतामा मिति २०७५।०२।२४ मा बसेको बैठकको निर्णयानुसार सम्बन्धित सबैलाई सूचित गरिन्छ । निम्न यस कार्यालयमा दर्ता भएका गैर सरकारी संस्था र पाँचथर जिल्लालाई कार्य क्षेत्र बनाई कार्यरत रहेको अन्तराष्ट्रिय गैर सरकारी संस्थाहरुको कार्य समितिका सदस्यहरुको नामथर, ठेगाना सहितको विवरण यस कार्यालयमा २१ दिन भित्र उपलब्ध गराउने । यस कार्यालयमा दर्ता भई पाँचथर जिल्लालाई कार्यक्षेत्र बनाई समाज कल्याण परिषदमा आवद्ध भएका गैर सरकारी संस्था/अन्तराष्ट्रिय गैर सरकारी संस्थाहरुको तीन वर्ष…

  • २०७५ साल जेष्ठ ३० सम्मको राहदानी(M.R.P) बनी आएको । २०७५-३-१७

    २०७५ साल जेष्ठ ३० सम्मको राहदानी(M.R.P) बनी आएको ।

  • द्वन्द विस्तापित,मृतक,बेपत्ता व्यक्तिहरुको राहत २०७५-३-१२

    द्वन्द्व प्रभावित व्यक्ति तथा परिवारलाई राहत रकम वितरण गर्ने प्रयोजनको लागि द्वन्द्वको क्रममा विस्थापित/मृतक/वेपता भई नेपाल सरकार (म.प.) को मिति २०७३।११।२५ को निर्णय अनुसार नेपाल सरकारबाट विभिन्न मितिमा गठित द्वन्द्व पीडितहरुको लगत सकंलन कार्यदलहरुको प्रतिवेदनमा नाम समावेश भएका र आ.व. ०७३।०७४ मा राहत रकम वुझिलिन छुट भएका विस्थापित व्यक्ति तथा परिवार मृतक तथा वेपता व्यक्तिका हकवालाले तपसिलमा उल्लेखित कागजातसहित यही मिति २०७५।०३।२० गते भित्र जिल्ला प्रशासन कार्यालय, पाँचथरमा निवेदन दिन हुन सूचना प्रकाशन गरिन्छ । तपसिलः १. विस्थापित व्यक्ति र निजको परिवारका विस्थापित सदस्यहरुसँगको हाल सालैको नाता कायम प्रमाणपत्र  । २. मृतक तथा वेपता व्यक्ति र हकवाला बिचको नाता कायम…

  • २०७५ जेठ २७ र ३० मा सञ्चालित नागरिकता घुम्ती सेवा २०७५-२-३१

    जिल्ला प्रशासन कार्यालय, पाँचथरको संयोजनमा मिति २०७५ साल जेष्ठ २७ गते फिदिम नगरपालिका वडा नं. ९ लुम्फाबुङमा नागरिकता घुम्ती सेवा कार्यक्रम सम्पन्न भयो । उक्त घुम्ती सेवा कार्यक्रममा महिना ३९ र पुरुष २५ गरी जम्मा ६४ जना सेवाग्राहीहरुले नेपाली नागिरकताको प्रमाण-पत्र  प्राप्त गरेका थिए । त्यसैगरी २०७५ साल जेष्ठ ३० गते फाल्गुनन्द गाउँपालिका वडा नं. २ ईम्बुङमा सञ्चालन भएकाे नागरिकता घुम्ती सेवा कार्यक्रममा महिला ५७ र पुरुष ३५ गरी जम्मा ९२ जना सेवाग्राहीहरुले नेपाली नागिरकताको प्रमाण पत्र प्राप्त गरेका थिए ।  

  • राहदानी (M.R.P) बापतको राजश्व शूल्क बैंक दाखिला २०७४-१०-२४

    उपरोक्त सम्बन्धमा राहदानी (M.R.P) बापतको राजश्व शूल्क यस कार्यालयमा नगदै लिने गरिएकोमा मिति २०७४ फाल्गुण १ गते देखि नेपाल बैंक लिमिडेट, फिदिम शाखाको राजश्व खाता नं. क १११८ मा जम्मा गरी भौचर यस कार्यालयको राहदानी शाखामा दाखिला गर्नुहुन सबैको जानकारीको लागी यो सूचना प्रकाशित गरिएको छ ।

  • अनुमती प्राप्त र अत्यावश्यक सवारी साधन चलाउने बारे २०७४-८-७

    मिति २०७४।०८।१० गते आइतबारका दिन प्रतिनिधि सभा सदस्य तथा प्रदेश सभा सदस्यको निर्वाचनका दिन अनुमती प्राप्त र अत्यावश्यक सवारी साधनबाहेक अन्य नीजि तथा सार्वजनिक सवारी साधनहरु चलाउन नपाउने व्यहोरा जानकारी गराईन्छ ।

  • अनुगमन भ्रमण २०७४-७-२७

    क्षेत्रीय सुरक्षा समितिका पदाधिकारीहरुको पाँचथर जिल्ला अनुगमन भ्रमण

  • जिल्ला प्रशासन कार्यालयको जानकारी एवं सूचना २०७४-७-२९

    सूचनाको हकसम्बन्धी ऐन,२०६४ को दफा ५ को उपदफा (३) र सूचनाको हकसम्बन्धी नियमावली, २०६५ को नियम ३ को प्रयोजनका लागि सार्वजनिक गरिएको सूचना

  • हातहतियार तथा खरखजना बुझाउने सम्बन्धि सुचना २०७३-१२-१०

    आगामी मिति २०७४/०१/३१ गतेका दिन हुन गईरहेको स्थानीय तहको निर्वाचनमा अवाञ्छित कृयाकलाप हुन नदिनको लागी जिल्ला प्रशासन कार्यालयहरुबाट ईजाजत प्राप्त ठुला तथा साना हतियारहरु यहि मिती २०७३/१२/११ गतेदेखि मिती २०७३/१२/३० भित्रमा स्थानीय प्रहरी कार्यालयहरु मार्फत श्री जिल्ला प्रहरी कार्यालय, पाँचथरमा बुझाउन हुन मिति २०७३/११/२४ गतेको जिल्ला सुरक्षा समिति पाँचथरको निर्णयानुसार यो सुचना जारी गरिएको छ । तोकिएको म्याद भित्र ठुला तथा साना हतियार नबुझाएमा नियमानुसार कारवाही भई जाने व्यहोरा समेत अग्रिम जानकारी गराईन्छ ।

  • बढुवा सम्बन्धमा । २०७३-११-१८

    लोक सेवा आयोग पुर्वाञ्चल क्षेत्रीय निर्देशनालय धनकुटाबाट नेपाल प्रशासन सेवा/सामान्य प्रशासन समुह (रा.प.अनं.प्रथम श्रेणि) नायब सुब्बा पदको प्रतिशत निर्धारण भई आयोगको विज्ञापन सुचना नं. २३१/७३/७४ र ३८०/७३/७४ अनुसार पर्न आएका बढुवाका सम्भाव्य उम्मेद्वारहरुको दरखास्त उपर वढुवा समितिको मिति २०७३/११/१७ को बैठकबाट देहाय बमोजिम बढुवा सिफारिस गर्ने निर्णय भएको हुँदा निजामती सेवा ऐन २०४९ को दफा २०(४) र दफा २४(च) को प्रयोजनार्थ यो सुचना प्रकाशित गरिएको छ । विवरण हेर्न डाउनलोड गर्नुहोस ।

  • राहदानि प्राप्त भएको बारे । २०७३-११-६

               मिति २०७३ पौष २९  गते देखी माघ ११ गते सम्म राहदानि प्राप्त गर्न यस कार्यालयमा दरखास्त  पेश गर्नुहुने सेवाग्राहीहरुको राहदानि प्राप्त भएको छ । राहदानी प्राप्त गर्न दरखास्त पेश गर्नुहुने सेवाग्राही आफैले रसिद लिएर कार्यालयमा सम्पर्क राख्नुहुन अनुरोध छ । नामावली हेर्न डाउनलोड गर्नुहोस ।  Additional Documents

  • राहदानि प्राप्त भएको बारे । २०७३-१०-२५

               मिति २०७३ पौष १४  गते देखी पौष २८ गते सम्म राहदानि प्राप्त गर्न यस कार्यालयमा दरखास्त  पेश गर्नुहुने सेवाग्राहीहरुको राहदानि प्राप्त भएको छ । राहदानी प्राप्त गर्न दरखास्त पेश गर्नुहुने सेवाग्राही आफैले रसिद लिएर कार्यालयमा सम्पर्क राख्नुहुन अनुरोध छ । नामावली हेर्न डाउनलोड गर्नुहोस ।

  • राहदानि प्राप्त भएको बारे । २०७३-१०-९

    मिति २०७३ म‌ंसिर ३०  गते देखी पौष १३ गते सम्म राहदानि प्राप्त गर्न यस कार्यालयमा दरखास्त  पेश गर्नुहुने सेवाग्राहीहरुको राहदानि प्राप्त भएको छ । राहदानी प्राप्त गर्न दरखास्त पेश गर्नुहुने सेवाग्राही आफैले रसिद लिएर कार्यालयमा सम्पर्क राख्नुहुन अनुरोध छ । नामावली हेर्न डाउनलोड गर्नुहोस ।

  • राहदानि प्राप्त भएको बारे । २०७३-९-१९

    मिति २०७३ कार्तिक २६ देखी म‌ंसिर २९ गते सम्म राहदानि प्राप्त गर्न यस कार्यालयमा दरखास्त  पेश गर्नुहुने सेवाग्राहीहरुको राहदानि प्राप्त भएको छ । राहदानी प्राप्त गर्न दरखास्त पेश गर्नुहुने सेवाग्राही आफैले रसिद लिएर कार्यालयमा सम्पर्क राख्नुहुन अनुरोध छ । नामावली हेर्न डाउनलोड गर्नुहोस ।



© सर्वाधिकार सुरक्षित गृह मन्त्रालय