राहदानी फाराम संकलन सम्बन्धी
संलग्न गर्नु पर्ने कागजातहरु/प्रक्रिया
१) सेवाग्राही आफै उपस्थित भइ कार्यालयमा नै अनलाई फाराम भर्ने।
२) नेपाली नागरिकता प्रमाणपत्रको छायाप्रति–१ प्रति , राष्ट्रिय परिचय पत्र।
३) नावालकको हकमा नाबालक परिचय पत्रको छाँयाप्रति–१
४) विवाहित महिलाको हकमा नागरिकता प्रमाणपत्रमा पतिको नाम उल्लेख नभएको अवस्थामा विवाह दर्ता प्रमाणपत्र र पतिको नागरिकता प्रमाणपत्रको छायाप्रति ।
५) अन्य जिल्लाबाट नागरिकता लिई बसाई सराई गरी आएकाको हकमा बसाई सराई प्रमाणपत्र, सम्बन्धित जिल्ला प्रशासन कार्यालय/इलाका प्रशासन कार्यालयको अभिलेख खुलेको पत्र र जग्गाधनि पुर्जा ।
६) नेपाली नागरिकता प्रमाणपत्रको फोटो स्पष्ट नभएमा सो को प्रतिलिपी नागरिकता लिई पेश गर्न पर्ने ।
७) अन्य जिल्लावाट जारी भएका नागरिकताका हकमा सम्वन्धित जिल्लावाटै आवेदन गर्नु पर्ने ।
८) द्रुत सेवामार्फत राहदानी विभागबाट सेवा लिने हकमा नागरिकताको अभिलेख भिडाई सिफारिस गरिने ।
जिम्मेवार पदाधिकारी: सहायक प्रमुख जिल्ला अधिकारी/शाखा हेर्ने नायब सुब्बा
उजुरी सुन्ने अधिकारी – प्र.जि.अ
दस्तुर : साधारण राहदानीको लागि रु. ५,०००।– र हराएकोमा पुनः वनाउदा रु. १०,०००।– द्रुत सेवाको दस्तुर केन्द्रीय राहदानी विभागमा वुझाउने ।
नेपाली नागरिकता लगायतका प्रमाण पत्रहरु सक्कल प्रति देखाउनु पर्ने हुँदा साथै लिई आउनु पर्नेछ ।
१० वर्ष भन्दा मुनीका बच्चाको नावालक परिचयपत्रबाट राहदानी सिफारिस गर्दा ५ वर्षको लागि मात्र Validity राख्दा राजश्व दस्तुर रु.२५००।– लाग्ने
कार्य सम्पादन गरिने समयः प्रमाण पुगेकोमा पेश भएकै दिन ।