सुम्हात्लुङ देवस्थल
यो मन्दिर पाँचथर सदरमुकाम फिदिम अन्तरगत हालको फिदिम नगरपालिका वडा नम्वर ४ मा अवस्थित छ । सुम्हात्लुङ मन्दिर किराँत धर्मावलम्बीको आस्थाको केन्द्र हो । आम्बेपज्यमा नामले चिनिने यस मन्दिरमा बाह्रै महिना भक्तजन र दर्शकको भीड लाग्छ । बिशेषतः यहाँ फाल्गुनन्द जयन्ती, चासोक तङनाम, मकर संक्रान्ती जस्ता पर्वमा किराँत मुन्धुम अन्तरगत पुजापाठ र हवन हुने गरेको छ । किराँत कालमा यस क्षेत्रमा राज्य गरेका किराँती राजाहरुले सुम्हात्लुङ मन्दिर रहेकै स्थानबाट वर्षौसम्म दुश्मनसँग लडेका थिए भन्ने इतिहास छ । अहिले पनि लिम्बू समुदायका बासिन्दा नयाँ काम थाल्नुपूर्व सुम्हात्लुङ मन्दिरमै गएर कसम खाने गर्छन । सदरमुकाम फिदिम नजिकै रहेको यो मन्दिर सम्म यातायात सुविधाका साधन प्रयोग गरेर नै पुग्न सकिन्छ । सुम्हात्लुङ ऐतिहासिक महत्वसँगै किराँत धर्मावलम्बीहरूका लागि अति महत्वपूर्ण तिर्थस्थल हो ।