सुके पोखरी
इलामको साखेजुङसँग सिमाना जोडिएको पाँचथरकै रानीटार वडा नं. ९ मा अर्को रमणीय स्थल सुके पोखरी रहेको छ । मेची राजमार्ग सञ्चालनमा नआएसम्म पाँचथरवाट इलाम जाने घोडेटो बाटोले भेट्ने सुकेपोखरी आसपासमा सदावहार जंगल र गाईगोठहरू प्रशस्त छन् । यस्तै रानीटार ९ स्थित आतम्बा खोलाको दोभानमा कालपोखरी भालुखोपा, ठूलीटार र गुप्तेश्वर महादेवको नामका स्थल र मठ मन्दिरहरू रहेका छन् । बैसाख पुर्णिमाका दिन भव्य मेला लाग्ने यस स्थानमा बालाचतुर्दशी मंसिर पुर्णिमा, शिवरात्री जस्ता पर्वमा पाँचथर सहित झापा, ताप्लेजुङ, इलाम, तेह्रथुम लगायत भारतका दार्जिलिङ सिक्किम सम्मबाट आएका भक्तजनले धन दौलत, बल, आयु, निःशन्तान भए सन्तान र शक्ति माग्दछन् र यस गुप्तेश्वर महादेव स्थान मा पूजा आराधना गर्छन् ।